Oversikt over lokaliseringa av tre nye aktuelle verneområde for skog. Kart.: Statsforvaltaren i Rogaland
Statsforvaltaren i Rogaland har meldt oppstart av tre nye skogvernområde. Aktuell verneform er naturreservat.
Dei tre skogområda er Djupalia i Sandnes kommune, Riskedalsvatnet i Hjelmeland kommune og Strondå i Tysvær kommune. Områda er tilbydd for vern av skogeigarane sjølve gjennom ordninga for frivillig vern av skog.
Skogvern er eit viktig og prioritert tiltak for å ta vare på norsk naturmangfald. Stortinget har som mål å verna 10 prosent av skogarealet i landet vårt.
Statsforvaltaren opplyser at eit vern av dei tre aktuelle skogområda vil medføra at alle inngrep som forringar verneverdiane vil være forbode og at all vegetasjon og dyreliv vil bli verna mot skade, øydelegging og forstyrring. Dette inneber forbod mot hogst, fysiske inngrep og motorferdsel. Tradisjonelt, enkelt friluftsliv, sanking av bær og matsopp, jakt, fiske og beite vil være tillate. Nå startar den formelle verneprosessen som følger naturmangfaldlova, med kunngjering, grundige avklaringar av verneverdiar, verneformål og eventuelle følgjer eller konfliktar vernet kan ha.
